ХОНГОР СУМЫН МАЛЧДЫН БАЯР БОЛЖ БАЙНА

Ахмад малчин болон залуу малчдын харилцаа холбоог сайжруулах, уламжлалт мал маллах арга ухааныг өвлүүлэх, мал маллах шинэ үеийн бодлого, чиг хандлагыг малчдад сурталчлах зорилгоор Хонгор сумын нийт малчин иргэдийнхээ дунд Гавлиу хайрханы тахилгыг тохиолдуулан “Малчдын баяр”-ын арга хэмжээ 27-28-ны өдрүүдэд болж байна.

Өнөөдөр хурдан морины уяа, сойлго, малын хатгуурын чиглэлээр сургалт, хурдан морь шинжих арга хэмжээ, сээр цохих тэмцээн, эмнэг булгиулах, сураар бүтээгдэхүүн хийх, дээс томох, цагаан идээ шалгаруулах, шагай шүүрэх, олс татах тэмцээн болж байна.

Малчдын баярт иргэд өргөн дэлгэр оролцож байна. Маргааш Гавлиу хайрхан тахих ёслол, морины уралдаан, бөхийн барилдаан болно.